The 八歲兒 : a Manchu-Korean primer

palseaFor a short time this month, the BNF had put online a copy of the P’alsea (八歲兒), a Manchu-Korean primer and one of the “Four books of Qing studies” (1). It seems to have now been removed from their website but here is a transcription of the text. Designed to teach basic Manchu, it features a child prodigy from the Han dynasty who leaves his parents to attend a meeting of 5000 scholars summoned by the emperor. There he answers every question the emperor asks him and is granted a title.

(The division of sentences follows the printed edition)

八歲兒
julgei han gurun i fonde
duin mederi gemu genggiyen
jakūn hošo ini cihai elhe
tere fonde
han bithe arafi hendume
abka fejile gurun i dorgi de
bayan yadahūn bodorakū
geren bade bithe ulhire šusai sebe
abka duka de bithe cendeme jio
erdemu mergengge be
sain gebu be bumbi sehe
tere fonde
cing mu hiyan hecen de tehe
ulin yadara limu sere niyalma i jui
jakūn se de
ama eme de
dosime fakcara doro arafi
jeterengge akū
muke ihan i jibca etufi
ududu inenggi yabume
jiyang giyang hecen de isinafi
sunja minggan šusai sonjoro ton de
jakūn se jui dosime
sunja minggan šusai amala ilihabi
han tuwafi fonjime hendume
tere amala iliha
ajige jui si ainaha niyalma
jakūn se jui hanci genefi
wesimbume hendume
ajige niyalma seibeni inenggi
enduringge han genggiyen hese wasimbure dahame
bithe cendeme jihe
han donjifi
dembei injefi hendume
ajige jui si se ajigen
ai weile be sain jabumbio
jakūn se jui hanci genefi
wesimbume hendume
ajige niyalma enduringge han
fonjire weile be sain jabumbi dere
han gūnifi baibi niyalma waka seme hendume
abka de uju bio
jakūn se jui jabume
abka de uju bi
han fonjime hendume uju bi seme adarame sambi
jakūn se jui jabume
šun dergi ici dekdefi
wargi ici tuhembi
tuttu ofi
uju bi seme saha
han geli fonjime hendume
abka de šan bio
jakūn se jui jabume
abka fejile de
bulehen gasha wesihun jilgan i guwembi
dergi abka wesihun jilgan seme urgunjeme donjihabi
tere fonde
abka šan akū oci
ai šan i donjimbi
han geli fonjime hendume
abka de angga bio
jakūn se jui jabume
julgei fonde emu niyalma
abka de wesiki seme
ilan jergi tafukū be sahafi
tafame deribure de
tafukū de gidafi bucehebi
tere fonde
abka angga akū oci
ai angga i injembi
han geli fonjime hendume
abka de bethe bio
jakūn se jui jabume
abka de bethe bi
han fonjime hendume bethe bi seme adarame sambi
jakūn se jui jabume
julgei julesi gūsin ilan abka be dendere fonde
bethe akū oci
ai bethe i feliyeme
dendeci ombihe
han geli fonjime hendume
julergi geneci
ai golo seme bio
jakūn se jui jabume
julergi geneci
mederi golo seme bi
han fonjime hendume mederi golo bi seme adarame sambi
jakūn se jui jabume
wargi geneci
wargi ergi mederi wargi de
dabsun hecen seme bi
tere be dabsun i sahabiheo
adarame dabsun hecen sembi
dergi geneci
dergi ergi mederi dergi de
menggun hecen seme bi
tere be menggun i sahabiheo
adarame menggun hecen sembi
amargi geneci
amargi mederi amargi de
tugi hecen seme bi
tere be tugi i sahabiheo
adarame tugi hecen sembi
han gisun akū tehebi
jakūn se jui
han i juleri ilifi
amba jilgan i hūlafi hendume
isaha sunja minggan šusai dorgi de
erdemungge niyalma bici
hūdun tuci
han i juleri gisun cendeki seme
ilan mudan hūlaci
sunja minggan šusai dorgi de
emu niyalma inu tucifi
gisun cendere de
erdemungge niyalma akū
tuttu ofi
jakūn se jui be
amba mergen arafi
abka fejile gurun i dorgingge
amba golo ejen seme tukiyembi
han še bithe selgiyefi
tumen weihun i sui be gemu guwebume
dasara be sain
ice niyengniyeri de
aga silenggi erileme wasimbi
edun dacibe
mooi dube bijarakū
jugūn de yabure niyalma
beri sirdan jafarakū
hecen duin duka yooselarakū
abka fejile taifin ojoro dahame
jakūn se jui i
wesihun han gurun i gisun be ere dahame wajiha

———————————————————————————–
(1) About these, see Choe Y., ‘Manchu Studies in Korea‘, p. 91-94.

Advertisements

One thought on “The 八歲兒 : a Manchu-Korean primer

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s